Skip to main content

വിജയം ആഗ്രഹിക്കുന്ന സംരംഭകര്‍ അറിയേണ്ട അഞ്ച് കാര്യങ്ങള്‍


ഓരോ വ്യക്തിയുടെയും ചിന്തയില്‍ നിന്നാണ് ഓരോ സംരംഭവും പിറവിയെടുക്കുന്നത്. മനസില്‍ തെളിഞ്ഞ ആശയം പ്രാവര്‍ത്തികമാക്കാന്‍ ഇറങ്ങിത്തിരിക്കുമ്പോള്‍ തന്നെ വീട്ടുകാരില്‍ നിന്നും പരിചയക്കാരില്‍ നിന്നുമൊക്കെ ഒരുപാട് ഉപഭേശങ്ങളെത്തും. ബിസിനസില്‍ യാതൊരു മുന്‍പരിചയമോ അറിവോ ഇല്ലാത്തവരാകും അവരില്‍ ഏറെയും.അതുകൊണ്ടുതന്നെ ഉദ്യമത്തില്‍ നിന്ന് പിന്തിരിപ്പിക്കാനുള്ള ഉപദേശങ്ങള്‍ക്ക് പഞ്ഞമുണ്ടാകില്ല. അവയ്ക്കൊന്നും അധികം ചെവി കൊടുക്കാതിരിക്കുക. ചെയ്യാവുന്ന കാര്യം ഇന്റര്‍നെറ്റിനെ ആശ്രയിക്കുന്നതാണ്. ചെയ്യാനുദ്ദേശിക്കുന്ന ബിസിനസിനു സഹായകമായ വിവരങ്ങള്‍ ഇന്റര്‍നെറ്റില്‍ പരതി പരമാവധി മനസിലാക്കുക. അമിതമായ ചിന്തയും കണക്കുകൂട്ടലുകളും ബിസിനസ് തുടങ്ങാനുള്ള ധൈര്യം ചോര്‍ത്തുമെന്ന് അറിയുക. സംരംഭകനാകാനുള്ള തീരുമാനം മനസില്‍ ഉറപ്പിച്ചെങ്കില്‍ തുടര്‍ന്നു വായിക്കാം. സംരംഭം വിജയകരമാക്കാന്‍ ഉതകുന്ന അഞ്ച് ലളിതമായ മാര്‍ഗങ്ങള്‍ വിവരിക്കുകയാണിവിടെ.


1. ബിസിനസ് പ്ലാന്‍ തയ്യാറാക്കുക

ഇതേറ്റവും പ്രധാനപ്പെട്ട കാര്യമാണ്. സംരംഭത്തോടുള്ള വൈകാരിക അടുപ്പം അത്യാവശ്യം തന്നെ. സ്വന്തമായി ചെയ്ത് വിജയിപ്പിക്കാനാവും എന്നുള്ള പൂര്‍ണ്ണ ആത്മവിശ്വാസം ഉണ്ടായിരിക്കണം. പദ്ധതി എങ്ങനെ നടപ്പിലാക്കാം, അതിന് എത്ര പേരുടെ അധ്വാനം ആവശ്യമുണ്ട്, പദ്ധതിയ്ക്കുള്ള പണം എങ്ങനെ കണ്ടെത്താം എന്നിങ്ങനെയുള്ള കാര്യങ്ങള്‍ ഉള്‍പ്പെടുത്തി വേണം ബിസിനസ് പ്ലാന്‍ തയ്യാറാക്കാന്‍ .മൂന്നോ അഞ്ചോ വര്‍ഷം കണക്കാക്കി ബിസിനസിന്റെ വരുമാനം ലക്ഷ്യമാക്കുക. ഇത്ര കാലയളവുകൊണ്ട് എത്രമാത്രം ബിസിനസ് ചെയ്യാനാവും എന്നത് കണക്കുകൂട്ടി ഉറപ്പിക്കുക.

2. ബിസിനസ് മേഖലയില്‍ കൂടുതല്‍ ബന്ധങ്ങള്‍ ഉണ്ടാക്കുക

നിങ്ങള്‍ നല്‍കുന്ന സേവനമോ ഉത്പന്നമോ എത്ര നല്ലതാണെങ്കില്‍ പോലും തുടക്കത്തില്‍ അത് തേടി ആരും ഇങ്ങോട്ട് വരില്ല. നാം ചെയ്യുന്ന ബിസിനസ് മേഖലയുമായി ബന്ധപ്പെട്ടവരുമായി ബന്ധമുണ്ടാക്കി അവര്‍ക്ക് നമ്മുടെ സംരംഭത്തിന്റെ ഗുണഗണങ്ങള്‍ മനസിലാക്കി കൊടുക്കുക. കോള്‍ഗേറ്റ് നല്ലതാണെന്ന് ക്ലോസപ്പ് പറയില്ലല്ലോ. നിങ്ങളുടെ മികവുകള്‍ മറ്റുള്ളവരോട് നിങ്ങള്‍ തന്നെ പറയണം. സ്വന്തം സംരംഭത്തിന്റെ ബ്രാന്‍ഡ് അംബാസിഡറായി നിങ്ങള്‍ മാറണമെന്ന് ചുരുക്കം. വ്യവസായ മേളകള്‍ , സംരംഭകരുടെ മീറ്റിങ്ങുകള്‍ , സോഷ്യല്‍ മീഡിയ ഗ്രൂപ്പുകള്‍ എന്നിവയില്‍ പങ്കുചേരുന്നതിലൂടെ ബിസിനസ് മേഖലയിലുള്ള മറ്റു വ്യക്തികളുമായി പരിചയം സ്ഥാപിക്കാനാവും. ഇത്തരം പരിചയങ്ങളാണ് ഭാവിയില്‍ നിങ്ങളുടെ ബിസിനസ് മെച്ചപ്പെടുത്തുന്നതിനും പുതിയ പങ്കാളികളെ നേടുന്നതിനും സഹായകമാകുക.


3. കൂടെയുള്ളവര്‍ നല്ലതായിരിക്കണം
നല്ലൊരു നിക്ഷേപകനെയോ സമാനചിന്താഗതിയുള്ള ബിസിനസ് പങ്കാളിയെയോ ലഭിച്ചതുകൊണ്ടു മാത്രം സംരംഭം വിജയിക്കണമെന്നില്ല. നിങ്ങളുടെ സ്വപ്ന പദ്ധതി സാക്ഷാത്കരിക്കാന്‍ പങ്കുചേരുന്ന ജീവനക്കാരാണ് ഏറെ ആവശ്യം. സ്ഥിരോത്സാഹം, കഴിവ്, പെരുമാറ്റഗുണം എന്നിവയുള്ളവരായിരിക്കണം ജീവനക്കാര്‍. സ്തുതിപാഠകര്‍ക്ക് വിലകൊടുക്കാതിരിക്കുക. നന്നായി ജോലി ചെയ്യുന്നവര്‍ തൊഴില്‍ദാതാവിനെ പുകഴ്ത്താന്‍ സമയം കളയാറില്ല. നല്ലൊരു ടീം വര്‍ക്ക് സംരംഭത്തിന്റെ പുരോഗതിയ്ക്ക് അടിത്തറ പാകും. സംരംഭത്തിന്റെ ഓരോ നേട്ടങ്ങളും എല്ലാ ജീവനക്കാരെയും അഭിനന്ദിച്ചുകൊണ്ട് കൂട്ടുചേര്‍ന്ന് ആഘോഷിക്കുന്നതായിരിക്കണം തൊഴിലിടം.


4. ട്രെന്‍ഡ് മാറുന്നത് അറിയണം
നിങ്ങളുടെ ബിസിനസ് മേഖലയില്‍ ഭാവിയില്‍ വരാനിരിക്കുന്ന മാറ്റങ്ങളെപ്പറ്റി മുന്‍കൂട്ടി പ്രവചിക്കാന്‍ ശേഷി വളര്‍ത്തിയെടുക്കുക. ഉദാഹരണത്തിന് പ്ലാസ്റ്റിക് പ്ലേറ്റുകളോ ബാഗുകളോ ഉത്പാദിപ്പിക്കുന്ന കമ്പനിയാണ് നിങ്ങള്‍ നടത്തുന്നതെന്നിരിക്കട്ടെ. മഹാരാഷ്ട്രയില്‍ അടുത്തിടെ പ്ലാസ്റ്റിക് ക്യാരി ബാഗുകള്‍ക്കും പ്ലേറ്റുകള്‍ക്കും വന്ന നിരോധനം വന്ന വാര്‍ത്ത നിങ്ങള്‍ ഗൌരവമായി കാണണം. പരിസ്ഥിതി മലിനീകരണത്തിനു മുഖ്യ കാരണമായ ഇത്തരം പ്ലാസ്റ്റിക് ഉത്പന്നങ്ങള്‍ നിരോധിക്കാന്‍ നമ്മുടെ സര്‍ക്കാരും തീരുമാനിക്കാനിടെയുണ്ടെന്ന് കണക്കുകൂട്ടണം. അത്തരമൊരു സാഹചര്യത്തെ നേരിടാന്‍ സ്വഭാവികമായും നിങ്ങള്‍ മുന്നൊരുക്കം നടത്തും. മണ്ണില്‍ ലയിച്ചുചേരുന്ന തരം ബാഗുകളുടെയും പ്ലേറ്റുകളുടെയും നിര്‍മാണത്തിലേയ്ക്ക് മാറുന്നതിലൂടെ ഈ പ്രതിസന്ധിയ്ക്ക് പരിഹാരം കാണാനുമാകും..
ആനുകാലിക സംഭവങ്ങളെപ്പറ്റി അവബോധം ഉണ്ടായിരിക്കണം. പത്രം, വ്യവസായ വാര്‍ത്തകള്‍ വരുന്ന വെബ്സൈറ്റുകള്‍ , മാസികകള്‍ എന്നിവയൊക്കെ വായിക്കുന്നത് ശീലമാക്കുക.


5. കുടുംബത്തെ മറക്കരുത്.
ബിസിനസ് കെട്ടിപ്പടുക്കാനുള്ള നെട്ടോട്ടത്തില്‍ കുടുംബത്തിന്റെ ആവശ്യങ്ങള്‍ നിറവേറ്റാന്‍ മറക്കരുത്. ബിസിനസിനും കുടുംബത്തിനും ചെലവഴിക്കുന്ന സമയത്തിന് ഒരു സമതുലനാവസ്ഥ ഉണ്ടായിരിക്കണം. കുടുംബാംഗങ്ങളുമൊത്ത് സമയം ചെലവിടുന്നത് മാനസിക പിരിമുറുക്കം കുറയ്ക്കും. അത് ബിസിനസ് ജോലികള്‍ ചെയ്യാന്‍ നവോന്മേഷം പകരും.യഥാസമയങ്ങളില്‍ ആഹാരം കഴിച്ചും വ്യായാമം ചെയ്തുമൊക്കെ ആരോഗ്യം കാത്തുസൂക്ഷിക്കാനും ശ്രദ്ധിക്കുക.



അവസാനവാക്ക്
വലിയ പ്രതീക്ഷയോടെ തുടങ്ങിയ സംരംഭം ഉദ്ദേശിച്ച കാലയളവിനുള്ളില്‍ വിജയകരമായില്ലെങ്കില്‍ യാതൊരു ആശങ്കയും കൂടാതെ അത് അവസാനിപ്പിക്കാന്‍ തയ്യാറാകണം. പരാജയകാരണങ്ങള്‍ വിലയിരുത്തി തയ്യാറാക്കിയ പുതിയ പദ്ധതിയുമായി മുന്നോട്ടിറങ്ങുക.



Comments

Popular posts from this blog

ജിദ്ദയിൽ ഭീമൻ സൈക്കിളിനെക്കുറിച്ച് അറിയാം…!!!

ജിദ്ദ : ജിദ്ദയിലെ ഫൈസലിയയിലെ ഭീമൻ സൈക്കിൾ ചിത്രത്തിലെങ്കിലും ഒരിക്കലെങ്കിലും കാണാത്തവരുണ്ടാകില്ല.
ജിദ്ദയുടെ തെരുവുകളിൽ കാണുന്ന നിരവധി ശില്പകലാരൂപങ്ങളിൽ എന്നും മുൻ പന്തിയിൽ നിൽക്കുന്നതും ഏറെ അത്ഭുതപ്പെടുത്തുന്നതുമാണു ഈ സൈക്കിൾ. ലോകത്തിലെ ഏറ്റവും വലിയ ബൈ സൈക്കിൾ എന്ന പേരിലും ഇത് അറിയപ്പെടുന്നുണ്ട്.നിർമ്മാണ സമയത്ത് ലോകത്തിലെ ഏറ്റവും വലിയ സൈക്കിളായി ഗിന്നസ് ബുക്കിൽ രേഖപ്പെടുത്തപ്പെട്ടിരുന്നു. 40 വർഷങ്ങൾക്ക് മുംബ്‌ സ്പാനിഷ്‌ ശിൽപി ജൂലിയോ ലവന്റെ രൂപകൽപന ചെയ്തതാണു ഈ ബൈസൈക്കിൾ . ജിദ്ദയിലെ ബവാദിയിലെ പ്രിൻസ്‌ സൗദ്‌ അൽ ഫൈസൽ സ്ടീറ്റിലാണു സൈക്കിൾ സ്ഥിതി ചെയ്യുന്നത്. 15 മീറ്ററാണു സൈക്കിളിന്റെ ഉയരം. കിംഗ് ഫഹദ് റോഡ് ( ഷാറ സിത്തീൻ ) സിഗ്നൽ രഹിതമാക്കുന്ന പദ്ധതിയിൽ പാലം നിർമ്മിച്ചപ്പോൾ ഈ സൈക്കിൾ അപ്രത്യക്ഷമാകുമെന്ന് സൈക്കിൾ പ്രേമികൾ ഭയന്നിരുന്നെങ്കിലും സൈക്കിളിൻ്റെ സ്ഥാനം മാത്രം മാറ്റി പുന:സ്ഥാപിക്കുകയാണുണ്ടായത്.
കടപ്പാട്: www.livekerala24.com

രാജ്യസഭ തെരഞ്ഞെടുപ്പ് എങ്ങനെ?

കൗണ്‍സില്‍ ഓഫ് സ്റ്റേറ്റ്സ് (രാജ്യസഭ) നിലവില്‍വന്നത് 1952 ഏപ്രില്‍ മൂന്നിനാണ്. 1952 മെയ് 13ന് പേര് ഹിന്ദിയില്‍ രാജ്യസഭ എന്നാക്കി. ഡോ. എസ് രാധാകൃഷ്ണനായിരുന്നു ആദ്യ അധ്യക്ഷന്‍. എസ് വി കൃഷ്ണമൂര്‍ത്തി റാവു ആദ്യ ഡെപ്യൂട്ടി ചെയര്‍മാനുമായി. ഉപരാഷ്ട്രപതി ചെയര്‍മാനും അംഗങ്ങള്‍ക്കിടയില്‍നിന്ന് തെരഞ്ഞെടുക്കുന്നയാള്‍ വൈസ് ചെയര്‍മാനുമാകുന്നു.രാജ്യസഭയുടെ പരമാവധി അംഗസംഖ്യ 250 ആണ്. ഇപ്പോള്‍ 245 അംഗങ്ങളാണുള്ളത്. ഇവരില്‍ 233 പേരെ തെരഞ്ഞെടുക്കുകയും 12 പേരെ രാഷ്ട്രപതി നോമിനേറ്റ് ചെയ്യുകയുമാണ്. തെരഞ്ഞെടുക്കുന്നവര്‍ സംസ്ഥാനങ്ങളുടെ പ്രതിനിധികളാണ്. സംസ്ഥാന നിയമസഭാംഗങ്ങള്‍ ഒറ്റ കൈമാറ്റ വോട്ടിലൂടെയാണ് ഇവരെ തെരഞ്ഞെടുക്കുന്നത്. ഡല്‍ഹി (3), പുതുശേരി (1) എന്നീ കേന്ദ്രഭരണപ്രദേശങ്ങള്‍ക്കും പ്രാതിനിധ്യമുണ്ട്. ജനസംഖ്യാ ആനുപാതികമായി ഓരോ സംസ്ഥാനത്തുനിന്നും ഉണ്ടാകേണ്ട അംഗങ്ങളുടെ എണ്ണം ഭരണഘടനയുടെ നാലാം ഷെഡ്യൂളില്‍ പറയുന്നു. ഉത്തര്‍പ്രദേശില്‍നിന്നാണ് ഏറ്റവും കൂടുതല്‍ അംഗങ്ങള്‍- 31. കേരളത്തിന് ഒമ്പത് അംഗങ്ങളുണ്ട്. ആന്ധ്രപ്രദേശില്‍നിന്ന് തെലങ്കാന വേര്‍പെട്ടപ്പോള്‍ ആന്ധ്രയില്‍നിന്ന് ആകെയുള്ള രാജ്യസഭാംഗങ്ങളടെ എണ്ണവും വിഭജിക്കപ…

കോട്ടയത്തെ ഡച്ചു സ്കൂളിന്റെ ചരിത്രം

ഓർമ്മത്താളിൽ മങ്ങിപ്പോയ ഒലന്തക്കളരി. (കോട്ടയത്തെ ഡച്ചു സ്കൂളിന്റെ ചരിത്രം) 350-ാം വാർഷിക സെമിനാർ പ്രബന്ധം.


കേരളത്തിൽ വൈദേശികആധിപത്യത്തിന്റെ കാലഘട്ടത്തിലുണ്ടായ സംസ്കാരിക സമന്വയത്തിന്റെ നല്ല ഫലങ്ങൾ ഉളവായത് പ്രധാനമായും വിദ്യാഭ്യാസ മേഖലയിലാണെന്നത് തർക്കമറ്റ വസ്തുതയാണ്. ബ്രിട്ടീഷ് ആധിപത്യത്തിൻ കീഴിൽ കഴിഞ്ഞ ഒന്നര നൂറ്റാണ്ടു കൊണ്ട് ഇന്ത്യയടക്കമുള്ള രാജ്യങ്ങളിൽ ഇംഗ്ലീഷ് ഭാഷയ്ക്ക് പ്രാമുഖ്യം കൈവന്നിരുന്നു. മദ്രാസ് പ്രസിഡൻസിയുടെ ഭാഗമെന്ന നിലയിൽ മലബാറിലും മേൽക്കോയ്മ എന്ന നിലയിൽ തിരുവിതാംകൂറിലുമുണ്ടായിരുന്ന ബ്രിട്ടീഷ് ഭരണസ്വാധീനം, അതതിടങ്ങളിൽ ആംഗ്ലിക്കൻ മിഷണറിമാർ വിദ്യാഭ്യാസരംഗത്ത് പ്രത്യേകിച്ച് ഭാഷാപഠന രംഗത്ത് മികച്ച സംഭാവനകൾ കാഴ്ചവയ്ക്കുന്നതിനുള്ള സാഹചര്യമുളവാക്കി. മലബാറിൽ ബാസൽ മിഷനും ദക്ഷിണ തിരുവിതാംകൂറിൽ എൽ.എം.എസും മദ്ധ്യതിരുവിതാംകൂറിൽ പ്രത്യേകിച്ച് കോട്ടയത്ത് സി.എം.എസും ഈ മേഖലയിൽ ചെയ്ത പ്രവർത്തനങ്ങൾ നിലവിൽ പഠനവിധേയമായിട്ടുള്ളതാണ്. കോട്ടയത്ത് ഇംഗ്ലീഷ് വിദ്യാഭ്യാസത്തിനായി AD 1817-ൽ കോളജ് ആരംഭിച്ചതും സി.എം.എസ് കോളജായി വളർന്ന് രണ്ടു നൂറ്റാണ്ടുകാലമായി വിദ്യാഭ്യാസരംഗത്ത് വിലപ്പെട്ട സംഭാവനകൾ നൽകിക്കൊണ്…